Beranda

Friday, May 3, 2013

Raja OP.Pangisi Naiborngin Ibotona Sitagan Tagan Bulu-Datu Parngongo.S-3

RAJA OP.PANGISI NAIBORNGIN IBOTONA SITAGAN TAGAN BULU-DATU PARNGONGO.S-3
Ibotoni Raja Op.Pangisi Naiborngin Lumban Gaol alai Gabe Didok doi Boruna,Datu Parngongo Laena Gabe Helana.

Dina mamukka huta panombangan nabaru R.OP.PANGISI NAIBORNGIN di pollung mulana (aek Pollung sekarang kec.pollung)
godangdo tang tangan di alami oppui,gangguan sian pangisi harangan i (mahluk halus,jin,homang,binatang buas) tarbukti doi sahat tu saonari adongdo partandana naong di ulahon ni oppui.

R.OP.PANGISI NAIBORNGIN,mamukka hutama ditopini batang aek digoari ibanamai pollung mulana,disada niari lahoma oppui martapian tubatang aek di bereng ibana adong babiat minum dibatang aeki songgotdo rohani oppui alana dungsae babiat minum sian batang aek toppu do mangorong babiati patalakkon babana songon nalaho mangallang ibana,alai marhatama oppui tu babiati “ oi opuni harangan…! namarhuaso diharangan…! molo naeng allangonmu maahu! adong pangidoanku ai paloas majolo ahu martona tu ibotokku Si Tagan-Tagan Bulu ai do ibotokku namandongani ahu mulai sian nametmet rodi magodang ahu sahat tu namamukka panombangan au di pollung mulana on,molo na naeng allangonmu mana ahu!” dung didok oppui songoni hatana tu babiatti sae mangupirido anggo babiatti dipaeoldo uluna dohot ihurna meol-eol tuhambirang nang tu siamun, alai babiatti tong saipatalak babana (posisi hariamau hendak memangsa) alai sae lam mangarimangima oppui dungi didok ibana muse hatana “molo tung adong nahurang ditikkia ahu mamukka panombangan on gabe humuttal hamuna sude pangisi ni tombak on,ba mangido maaf ma ahu” ninna oppui alai babiati sai tongdo dipatalak babana songon nalaho mangolgap buruanna udut muse uluna dohot ihurna dipaeol-eol.



R.op.Pangisi Naiborngin & Babiatna
dungi toppuma mese babiati rotu mandapotton oppui alai tongdo sai dipatalak aru-aruna,lam sae dipajonok babiati, diboto oppuima naadong holi-holi ni pinahan solot manang barat di aru-aruni babiati,alai pittor hatopdo oppui mangattusi aha pangidoan elek elek ni babiati malodo oppui dang pittor dibuat iban holi-holi nasolot di aruaru ni raja tombakki.

didok oppui mandok tu babiati molo nanaeng buatokku do pangidoammu holi holi nasasolot di pamanganmi naikkondo ho dohot ahu marsumpah ninna oppu i,dung didok oppui songoni munduk undukma uluni babiati mandok na olodo ibana marsumpah tu R.OP.PANGISI NAIBORNGIN.Didok oppui ma tonggona tumulajadi na bolon dungsae ibana martonggo dipasahatma hata sumpa-sumpana tubabiatti :


•Nagabe donganhu maho ditombak logo-longo on di namarburu,marporang molo masa parporang dipanombangankon,dung sae oppui mandok hata mundukdo babiati.
•molo ahu mula ulaon diakka paradoton tuhuta nihalak manang nadibalian,,! Nagabe panjaga ni alamanku panjagani pittu ni jabukku,panjagani ibotokku SITAGAN-TAGAN BULU maho dung sae oppui marhata mundukdo babiati mandok setuju.udutna muse.
•molo adong musu,nahoma dijolo mangorsong soandorang ahu padompak-dompak bohi tumusu ai sisada musu do hita,dungi muse mundukdo babiati,udutna muse.
•ai molo hata naung di olohon naung taolohon unang muba bei unangma mose,ai molo di ose hodoi naroma attong “alogo halissunsun dohot ronggur namarsillam-sillam naloho mamultakkon daginmu” dung sae oppui marhatahon hattana toppudo ro udan haba-haba dohot ronggur namarsillam-sillam,tarsongotma Babiati uhut manggompang di adopan ni oppu Raja Pangisi Naiborngin.
•Nungngabe sae oppui R.OP.PANGISI NAIBORNGIN mangkatahon sumpa-supana dipajonokma tangan siamunna tupamangan ni babiati dibuatma holi-holinalohot diboruran ni babiati,lasma rohani babiati.
dukkonni martapianma oppui dibatang aek pollung mulana diboanma tapianna mulakma ibana tu jabu huhut babiatna mangihut sian pudi,dinamandapotton bahal ni hutana sae tongdope ibotona SiTAGAN TAGAN BULU marendei dibasan hadak-hadangan sian bulu,songon onma ende ni namboru i
R.Op.Pangisi Naiborngin sitagan tagan bulu dihadang
‘’Sitagan bulu sitagan boru leaon,,dang olo turun nasomuli,,,ibotokku doho,,,Raja op.Pangisi,,,alai didokhalak doho parsinuakku,,,sudedo mamparsoadahon ahu,,,ala ni songon onma partubuanku,,, sudedo tondong mandao,,,ala maila mar(sensor) ahu,,,uee.. opppu pangisi nasibmi maribotohon au,,,uee..oppu pangisi holongmi namariboto,,,nasomarpasoadahon ahuu..”

di naumbege suara ni ende ni boru sitagan tagan sae marendei dibagasan hadak-kandangan mangaundo babiatnai songon suara ni jolma natangis,tarsonggotma namboru i saema ibana sian parendeanna,alai anggo oppui Raja Pangisi Naiborngin Sai tumatangis dope di bahalni hutana ala umbege ende-ende ni ibotona,”inong pangittubu,,dadiama sisolsollanku,,ai sohuboto partubuanku dada songon diape ibotokku,,,baido ibotokku,,tudiape aulao datongdo hadangngokku”
R.Op.Pangisi Nai borngin dohot ibotona sitagan tagan bulu tudiape ibana lao satong do dihadang ibotana SITAGAN-TAGAN BULU BR.LUMBAN GAOL
”inong pangittubu,,dadiama sisolsollanku,,ai sohuboto partubuanku dada songon diape ibotokku,,,baido ibotokku,,tudiape aulao datongdo hadangngokku”
Sitagan Bulu Sitagan Boru Leanon, Pangalo Turun anggo somuli

ninna oppu pangisima songon mangholsohon dirina,diapusma iluni sian simalolongna unang diboto ibotona sitagan-tangan Bulu ibana tatumatagis,dungi didapoton ibanama sitagan-tagan bulu dibuatma sian bona ni ahu nadi samping ni jabuna hau bonaniari panakkotannai,sukkun-sukkunma sitagan-tagan bulu dirohana,disukkunma ibotana (R.Op.Pangisi Naiborngin) isedo dongan nai, dipatandaho oppuima tu ibotona sitagan-tagan bulu “nion babiatu babiatni Raja oppu pangisi naiborngin donganmu ma on molo ahu dang dihuta sipaboa baritama on tuahu molo adong namasa tuho ito tagan-tagan”,inna oppui mekkelma ibotona sitagan-tagan bulu dihadangma ibotona diboan tujabu.
Oppu i Oppu panusuan akkangana alai didokdoi inangna.

RAJA OP.PANGISI NAI BORNGIN,Martumbur ma magadong gabe tong naniulana dohot sinur pinahanna dipanombangan ni oppui,mulakma ibana tu huta ni amai diboan silehon lehonna tu akkangna oppu panusuan lasma rohani akkangna marlasrohama hasida.

dung piga piga ari oppui mandapothon akkangna alai didokdoi inangna,mulakma hami akkang tupanombangankan ninna oppu i mandok tu akkangna,alai roma oppu panusuan doli OP.TUAN SULAMIN (oppui Br.Nainggolan) mandok tuanggina, dang boiho anggia mulak dohot ibototta sitagan-tangan bulu tu tano panombanganman anggo sojolo hupangolihon hami ho ai ahabe sipaimaon ungga gosbe pamatangmu dapot panombanganmu ba pangidoan nian marhasohotan maho asa pos rohanami dihuta on gabe adong donganmu marsingolu nagabe parsondukmu,ninna oppu panusuanma tu anggina.

nungsae oppui mandok hata tuangginai,sipdo ampui R.OP.PANGISI NAIBORNGIN sae manginongi dirohana holongni rohani hahanai tu ibana dungi dialusi ibanama hahana mandok Nauli nadenggan mai akkang ai diama sidohononkku ai hamudo amangku nahupakkilalahan di portibion dihorus hamu mudarmuna marparbudu-bua ahu,dipagodang godang hamu do ahu sian nametmet rodimadong jala songon pandokni jolmai “Raja Op.Pangisi Naiborngin Dang anak Buha Baju alai anak Sibukka Baju-Baju”:

(R.Op.Pangisi Naiborngin anak yang pertama disusui Oppui Br.Nainggolan istri dari TUAN SULAMIN walaupun dia R.Op.Pangisi Naiborngin bukan anaknya tapi dia anggap sebagai anak dari rahimnya,hingga saat ini semua keturunan dari op.pangisi naiborngin bila bertemu dengan keturunan anak dari oppui oppu panusuan selalu menyapa dengan tutur oppung walaupun yang kita temuin itu muda dan tua begitu juga dengan keturunan anak perempuan dari oppui oppu panusuan bila kita keturunan R.op.pangisi bertemu baiknya kita sapa dengan tutur Namboru).

dung sae oppui mangalusi angkangna raptangisma nasida Op.tuan sulamin doli op.pangisi naiborngin dohot ibotona sitagan-tagan bulu dungi didok oppu panusuanma (mencairkan suasana)mangkopkopdo opputa mulajadin nabolon tuho anggi dohot ho ito, nang hamipe dihuta on songonido.

Dapotma ari ditikkina pasma ari naung ditinina,marhasotanma R.Op.Pangisi Naiborngin dohot paribanna boru nin tulangna manunduti muse (boru ni OP.TUAN SITUMORANG) lasma rohani Op.Tuan sulamin ai ungngabe mangoli anggina siampinan i siampudan ni inana,anak dang buha baju alai sibukka baju-bajuna.
Dung sae pesta i mulakma Rombongan ni R.Op.Pangisi Naiborngin dohot parsundukna (Op.Pangisi Boru Situmorang)huhut dihadangma ibotona sitagan tagan bulu mulakma nasida tu tano panombanganna.

ditulis : Frangky Lg
Sumber :
Buku Tarombo RAJA OP.PANGISI NAIBORNGIN LUMBAN GAOL,Poda Panuturion sian Sude Pinopparni Raja Op.Pangisi Naiborngin,dohot Tarombo Keturunan ni Ompu Bittoa Lumban Gaol (Frangky Lg),Pomparan ni R.OP.PANGISI NAIBORNGIN LUMBAN GAOL

No comments: