Sitagan Bulu Sitagan Boru Leaon, Pangalo Turun anggo Somuli

RAJA OP.PANGISI NAIBORNGIN IBOTONA SITAGAN TAGAN BULU-DATU PARNGONGO.S-4

SITAGAN TANGAN BULU

AMA RAJA IRUMANA  mempunyai  anak Perempuan  SI TAGAN-TAGAN  BULU Br,LUMBAN GAOL  (Muli  tu Datu Pargongo)

Sitagan tagan Bulu dihadang 

Raja op.Pangisi Naiborngin dohot ibotona Si Tagan-Tagan Bulu alai gabe didok Halak doi Boruna,Jolma nahassit  ai sopot somarina do Raja Op.Pangisi Naiborngin dohot ibotona sitagan tagan Bulu,ai sorang pe oppui Op.Raja Pangisi Naiborngin tu portibion ai so diberengbe inong pangittubuna.

sitagan tangan bulu,goarni sieheton(Leaon) goar naso uli jouon molo dihalak batak omma nidokna goar sopala jouon jala di panggoarhonmai tu nasodi anggap jolma Alana sorangpe namborui  so dianggap jolma godangdo mandao tondongna alani rupana sogon tagan,alani dibaenma goarna sieheton sitagan tagan Bulu.

dung magodang ibotana Raja Op.Pangisi Naiborngin diboando ibotona siehetoni tudiape ibana mangalakka ai ido ibotona sisada halungunanna jala manginongi dirohana “molo hutinggalhon ibotoku sitagan tagan ba bohamai,alani partubuanna ninna rohani oppui” mulai sian i timbul hata dibagasan pikkiran dohot dirohani Raja Op.Pangisi Naiborngin ”inong pangittubu,,dadiama sisolsollanku,,ai sohuboto partubuanku dada songon diape ibotokku,,sitagan tagan bulu,,baido ibotokku,,tudiape aulao datongdo hadangngokku”mulai sian hatanai di sumpana tu ibotona sitagan tagan bulu tudiape ibana lao saitong do dihadang ibotana SITAGAN-TAGAN BULU BR.LUMBAN GAOL alani timbulma hata ende ehet-ehet ni Raja Op.Pangisi Naiborngin tu ibotona “Sitagan Bulu Sitagan Boru Leaon, Pangalo Turun anggo Somuli”.

Raja Op.Pangisi Naiborngin marhuta di pollung mulana,pollung mulana mulani Raja Op.Pangisi Naiborngin marhata parpollungan tu datu parngongo ima hamulian ni ibotona sitagan tagan bulu,mulana sian i didok ibanama hutana i “pollung mulana”,huta ni Raja Op.Pangisi Naiborngin ditopini batang aek,digoari ibanamai “aek pollung” batang aek pollung mual parpollungan ni raja Op.Pangisi Naiborngin ditikki marpollung dohot pasahat sumpa sumpana tu babiatna “babiatni Raja Op.Pangisi Naiborngin nagabe donganna,sijagani alamanna,sipardohot mangalo musu,sipanjaga ni ibotona sitagan tagan bulu,sipaboa barita molo adong namasa dipudina”.

Dinamarhuta oppui ditopini batang aek pollung ima hutana pollung mulana adongdo hau nabalga hau bona ni hariara hau panggantungan ni sitagan tagan bulu nadi hadang-hadangan molo lao oppui mula ulaon.

Namboru si tagan tagan bulu,namalo marendedo uli surana begeonni siparange,sude akka jolma nalewat sian bahal ni huta Raja Op.Pangisi Naiborngin lulu-lulu do disoara si boru parendei jala Rajo Op.Pangisipe dang maila tusaluhutna halak nalewat diakkana nalulu-lulu patuduhon ibotana sitagan tagan bulu do namarende i,jala tarsardo liat tano marbun naadong boruni raja pangisi namalo marende alai anggo Raja Op.Pangisi togudo dihatana ibotonado sitagan tagan bulu,marmula sian i timbul mahata ni jolma “Sitagan tagan Bulu Ibotoni Raja Op.Pangisi Naiborngin Lumban Gaol alai  Gabe Didokkon  do  Boruna”.

Di silon laon niaripe namborui sai tongdo marendei di hau panggantunganna nadihadang hadangan i nangpe Raja Op.Pangisi Naiborngin mula ulaonna diladangna manang mulak sian jumana,jala adongdo ende-ende holong ni Sitagan tagan bulu tu ibotona jala sahat tusaonaripe hotdoi di panuturioni saluhutna Pinopparni Raja Op.Pangisi Naiborngin ’Sitagan bulu sitagan boru leaon,,dang olo turun nasomuli,,,ibotokku doho,,,Raja op.Pangisi,,,alai didokhalak doho parsinuakku,,,sudedo mamparsoadahon ahu,,,ala ni songon onma partubuanku,,, sudedo tondong mandao,,,ala maila mar(sensor) ahu,,,uee.. opppu pangisi nasibmi maribotohon au,,,uee..oppu pangisi holongmi namariboto,,,nasomarpasoadahon ahuu..” tarsongonima ende-ende holongni namborui tu ibotona Raja Pangisi Naiborngin.

Br.sitagan-tagan Bulu,Goar sijoujouon goar sipaheat ehoton ni ibotoni Raja Op.Pangisi Naiborngin ima namuli tu tamba Datu parngongo jala oppu pangisido na mambahen goar manang gelar ima ibotona,digoari ibanama “Sitagan tagan Bulu Boru Leaon Pangalo turun anggo somuli” alai anggo gelar sipaet eheton i dang sude rapola mambotohon i alai ra pinopparni Raja Op.Pangis Naiborngin tarlumobi diakka na uttua diboto doi jala namarlapatandoi di keturunan ni raja pangisi.

R.op.pangisi dohot Datuparngongo

Si tagan tagan Bulu:

tagan,lapatanna gelleng manang gajut gajut manang muse istalana tempat ni panimpanan ni parnapuranan pandebanan ni parnapuran,

bulu, namboru on di patudosma songon buhuni bulu ai nasa buhu nibuludo pamatangna,  

jadi saotik songon namanungguli barita manang naung tarsar di doknadeba namborui “SITAGAN TAGAN DAIRI” molo boi nian tolongma tapatikkos,ai molo Gelar manang Goar Sipaet-ehetonni Namborui nadipasahat ni Raja Op.Pangisi Naiborngin Margoarma “SITAGAN TAGAN BULU” bukti manang sejarahna tarsurat doi manang targorga doi di relief tugu manang monument ni Raja Op.Pangisi Naiborngin (dibangun -/+ thn 1975 s/d 1978) di aek pollung/pollung mulana hutani Raja Pangisi Naiborngin.

Sitagan tagan Muli tu Datok Parngongo nadi Tamba

Disada tikki ari nadenggan lewatma rombongan ni parhuta tamba nalaho mulak tuhuta nasida,ala tung lojabe nasida namardalani mangasoma nasida jonok tu batang aek pollung,dinamangaso alani lojani nasida di namardalan i tungpola leleng nasida napaulak gogo attong, nungnga tutu sobbu loja nasida nalaho hobasmana nasida muse dipardalananna,dibe nasidama tutu suara niborua namarendei  jonok tubahal i tung,,lambok situtu begeon,,tusipareon di suara ni ende endenai.

Dinaumbenge suara ni borua namarende i,longan jala lulu luludo rohani saluhutna rombongan i jala rapmarsisukkunan “wueah ulinai ate suarani siboru parende iatik boi manian pajumpang bohi iba ninna sahalak rombongan i” siala ni lululu disuara nisiboru parende nalambok i lamdipajonok nasida ma attong mandapothon suara i lam didalani nasida sahatma tu bahal ni huta Raja Pangisi.

sahatma nasida dibahalni huta raja pangisi, alai tungdope patni nasida mangalakka dibona ni alaman ni Raja Pangisi toppudo ro mullop jala mangorsang mardongan suara babiatni Raja Pangisi Babiat sipanjaga ni Sitagan tagan Bulu panjaga ni bona nialama ni Raja Pangisi, songgotma nasida jala mulak tupudi dibahal ni huta ni oppui,dina umbege suara nibabiatna namangorsong soma namborui di ende-endena jala tarsungulma ibana dihata tonggo tonggo ni Raja Op.Pangisi.

“nion babiathu babiatni Raja oppu pangisi naiborngin nagabe donganmu ma on molo ahu dang dihuta sipaboa baritama on tuahu molo adong namasa tuho ito tagan-tagan”

siala ni suara ni babiatna na tarbegesa “Raja Op.Pangisi Naiborngin” songotdo tong rohana jala di ehaki babiatna namangorsong,diberengma tutu adong rotondong jala paimahon Raja Nampuna Huta,dung sahat raja i dibahal nihutana mundurma babiatna songon namadapotton oppuna,dung diboto nasida rombongan nungnga ro Raja Pangisi,marhatama sada sian nasida songon napantadaho diri tu namarnapuna ugasan’Horas ma di Rajai roma Raja Pangisi mangalusi horas matutu” dungi Raja Op.Pangisi mangottang songon pajagarhon Rombongan ni tubonani jabuna.

Dipantandahon madirina,Datu Parngongo Nasian Tamba nalaho naeng marsitandaan manian jala marsakkap rohana tuboruni Rajai alani ulini suarani Sitagan tagan bulu,dung sae dipatolhas hatana tu rajai,dialusi Raja Pangisima hata naung dipasahat Datu Parngongo ‘nauli nadengganmai dihata naung dipasahatmunai’ dung sae Raja pangisi mangalusi, sae marsukundo ibana tudirina ima marningot ibotona sitagan tagan Bulu dinasongoni partubuanna ai jolma nametmet do ibotona i buhama annoni dasongondiama panjakkonni Datu Parngongo dirupani ibotona,tarsongonima dibagasan rohani Raja Op.Pangisi.

alai naungpe dialusi Raja Op.Pangisi Naiborngin Datu Parngongo dangtor tibu dipatandahon ibotona,alani i Datu Parngongo marpangidoanma turajai sianbagasni rohana jala dipasahatma hatana dohot sakkapna ‘ Nanaeng manian Boruni Rajai Gabe parsinondukna’ dungi dialusi oppui Raja Pangisima amangborui “nauli nadengganmai dihata pangidoanmunai”nungnga tutu dipasahat hamuna sakkap nirohamuna tu ibotokku sitagang tagan bulu alai soandorang hupaborhat ibottu nalaho marhamulian dengganmara pabotohonmuna,diattusi amang borui ido pangidoan ni Raja Op.Pangisi Naiborngin disuruma rombongan nai parjolo mulak nalaho pasahat barita nanaeng mangalap boru Datu Parngongo sian tano marbun,mulakma rombombongan ni amang borui pasahat barita tu Tamba.

dung sae nasida namarhata pollung,dihatahon Raja Op.Pangisima tu amangborui mulai sian on ingotonmunama bahal on “Pollung Mulana” laos ido dalanna gabe targoarmai parhutaan ni Raja Op.Pangisi Naiborngin Pollung Mulana,udut ni marpadanma Raja Op.Pangisi Naiborngin dohot Datu Parngongo jala molo nasongon diape ibotono jala ulima rohani Datu Parngongo.dung sae nasida ditonggo tonggo parpdanan,hissatma oppui tubona ni hariara nadi alamanna nalaho mambuat hadang hadangan nagantung dihau hariarai.

dungi dipantadahon manang dipatuduma ibotana sitagan tagan bulu tu amangborui,tarsonggotdo jala dang menyangka songoni rupani namborui ai songon tagando balgana nengmungil rohana, alai marningot naung marpadan nasida uhutmuse “Rajado nadipothonna Rajado namandapothon” jadima dioli namborui jala dipaborhado to babiatna,babiat sipaboabarita tu Raja Pangisi.

Ditongandalan di dolok uludarat munggildo rohani Datu Parngongo tu Sitagan tagan bulu,sai manginongi dirohana songon diama hatani jolma annon jala marhata tudirina ”au Raja Datu Parngongo dasongon diama alushu tu akka natorop”alani mamereng rupani namborui songon tagan,ditinggalhoma namborui ditogan dalan dung ditinggalhon marhatado jala manggora namborui tu Datu Parngongo “ue,,Datu Parngongo,,Raja doho Rajado ibotokku Raja Pangisi ai molo Raja doho taruhon mulakma au tu ibotokku” ninna namborui,dungi dihadangma muse namborui.

dinalaho mandapotho huta Tamba,munggildo muse Datu Parngongo tu sitagan tagan bulu dungi didok ibanama mandok ‘au nungngabe marhotripe behama anon songon diama parsarion nasida” ditingalhon mamuse namborui di robean namandapothon huta Tamba jala didokma muse Husurupe ulubalangku nalaho pataruhonho tu tano marbun Pollung Mulana,ninna datu parngongo jala dijalahima dalanna,andorang sotardokdope dao Datu Parngongo mangalakka toppudo ro Babitani Raja Op.Pangisi Naiborngin nanaeng laho mangolgap Datu Parngongo Jala marhata songon jolma,mubama muse rohani Datu Parngongo dihadang mamuse sitagan tagan bulu nadihadak kadangan.

Sahatma amangborui tuhuta Tamba,disahati amangborui tuhuta tamba dang adong jolma di hutai na umbotosa alani hadatuonna jala ala maila ditagam nirohana mangalusi akka jolma molo tarboto da songon tangando hape naniolina,alai anggo si boru sitagan tagan bulu digantungkondo di bukkulan ni rumana asa unang adong naumbotosa,sarma barita naung sahatdohape Datu Parngongo dihuta tamba marroanma akka sisolhotna songon manunkkun barita naung sar napinabotohon ni rombonganna namangalap boru sian huta pollung mulana.

alana dang tarpabege bege ni Datu Parngongobe diakka sukkun sukkunni sisolhotna manukkun jala naeng marsitandaan tu siboru nadiolinai,dipotang nia ari digorgorima balaga margurak-gurak dibuatma sitagan tagan bulu sian bunbungan ni jabuna di tumpama namborui tubalanga namarguraki,dung sae ditumppa tompudo balangai songon namarsillam mardongan api sillamnai mallisik manopi  tao toba,heran jala longando ianggo Datu Parngongo   dinamasai, ditailihon jala dipatakkasma mamereng tuppana dang adongbe boru naniolina sai lamdipanotnoti muse tuppanai nungnga maruba gabe markorak mas bokasni aek ni tuppana,sobbuma rohana ai ungnga manang dang polabe martabuni hata ibana tuakka sisolhona molo adong namanukkun siboru nadiolina.

Disogot nia ari adongma sada parjala dekke ditopini tao Toba (tao Tamba) tarberengna adong boru nauli tindang disada batu ditopi tao  uhut mangaranap huta Tamba,manggorama Siboru Nauli tu parjala dungi didokma amang parjala Paboa jala baritahon hamu tu Raja Datu Parngongo unang jala pola mailabe ibana sumolsol manolsoli dirina ai audo Sitagan Tagan Bulu ima boruni Raja Pangisi Natinumppanai,jala paboa hamu tu ibana molo naeng alaponna ui tutopi tao on asma paboahon hamu asa dibahen dalanku maralashon kain putih jala tomu tomu onna au udur dohot sisolhotna jalamardongan gordang ai unnga i tonggoku tumulajadi nabolon,dung sae namboru I mulakma parjalai paboa barita tu Datu Parngongo.

Dungsahat parjalai dipaboma barita dohot Tona nabinoanna sian Sitagan tagan bulu tu Datu Parngongo Lasma Rohana jala dioloi maton tonani Siboru Nauli i udurma nasida jala dipabotohonma namasai tu sude sisolhotna,dialap nasidama Sitagan tagan bulu tu topi tao diboan tuhuta Rajama tutu namborui Songon Boru ni Raja ai ungga sude sisolhotni Datu Parngongo umboto namasai marlasrohama nasida jala marpesta bolon.

Ai nungga leleng tutu ibotona Sitagan tagan Bulu Muli tu huta T
amba ima Datu Parngongo,tubuma siholni Raja Op.Pangisi Naiborngin nalaho mangeahi ibotona,borhatma Raja Pangisi Naiborngin dohot dongan donganai dung sahat nasida (Rombonngan ni Raja Pangisi) di huta Tamba, nungnga robe Datu Parngongo  manomu nomu Hula hulana masukma nasida tujabu,dihataon Raja Pangisi Naibornginma nanaeng marsihol sihol tu ibotona,jala dialusi uhut digorama parsonduknai jala di patuduhon niondo ibotomuna sitagan tagan bulu amang Raja,ninna Datu Parngongo tu Rajai,murukma Raja Op.Pangisi Naiborngin tu Datu Parngongo ai dipatudu jala didok nasi boru nauli ido ibotona tarsurama rohani ni Raja Pangisi Naung diambolokkon ibotonai tubuma murukkan tu Datu Parngongo,ala umbenge muruk ni Rajai Roma Sitagan tagan bulu mandok tu ibotona’molo naparsoadahonmu mana au ito Raja Pangisi dang Sitagan Bulu,paroma Babiatmia ima bapiat suruanmua jala songon hata nitonggo tonggomu “nion babiatu babiatni Raja oppu pangisi naiborngin donganmu ma on molo ahu dang dihuta sipaboa baritama on tuahu molo adong namasa tuho ito tagan-tagan” dung sai ibotona makkatahon pangidoanna turun ma nasida tu pogu nia alaman,manggorama oppui Raja Pangisi Naiborngin diparoma babiatna roma babiaati tupogu nia huta tamba,dung sahat babiatnai marlonjongdo babiati songon jolma namasihol dungi didilatima tanganni Sitagan tagan Bulu jala monjap manggoppang sambil dipael eol ihurna,nungngabe dibereng Raja Op.Pangisi Naiborngin Babiatnai songon somalna di uju Huta Pollung Mulana,gabe posma rohana naido ibotona, dihaolma ibotona songon pasombu lungunna dungi dodokma tu ibotona “Horas jala pirma tondim ito tagan tagan” marpesta bolonma dihita i.

Horas jala gabe….

ditulis : Frangky Lg

Sumber :

Buku Tarombo RAJA OP.PANGISI NAIBORNGIN LUMBAN GAOL,Poda Panuturion sian Sude Pinopparni Raja Op.Pangisi Naiborngin,dohot Tarombo Keturunan ni Ompu Bittoa Lumban Gaol (Frangky Lg),Pomparan ni R.OP.PANGISI NAIBORNGIN LUMBAN GAOL.